Маъракаи гусели наваскарон дар ноҳияи Дарвоз

Дар асоси Фармони Президенти Ҷумҳурии Тоҷикистон муҳтарам Эмомалӣ Раҳмон ва ташаббуси Мақомоти иҷроияи ҳокимияти давлатии ноҳияи Дарвоз имрӯз дар маркази ноҳия бо иштироки раиси ноҳия муҳтарам Носирзода Умедҷон Саидҷон ва иштироки волидайни даъватшавандагон ба сафи Қувваҳои Мусаллаҳи Ҷумҳурии Тоҷикистон гусели наваскарон ба шаҳри Хоруғ баргузор гардид.

Пеш аз оғози ҷамъомад барои ҳар як оилаи даъватшаванда аз тарафи Мақомоти иҷроияи ҳокимияти давлатии ноҳияи Дарвоз маводи хӯрокворӣ кӯмак расонида шуд.

Сипас, раиси ноҳия ба сухан баромада, ҳамаи даъватшавандагонро барои содиқонаву софдилона хизмат намудан ва ҳимояи марзу буми Ватан раҳнамоӣ намуданд.

Инчунин, ба падару модарони даъватшавандагон изҳори сипосу миннатдорӣ намуда, таъкид намуданд, ки ҷавонони бо ору номуси дарвозӣ дар қатори дигар ҷавонони шаҳру навоҳии ҷумҳурӣ яке аз аввалинҳо шуда, дар рӯзи аввал нақшаро сарбаландона ба анҷом мерасонанд, ки ин нишонаи содиқият ба сиёсати пешгирифтаи Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон мебошад.